యద్యేవం నకోపి పదార్థః ఉపలభ్యేత ఘటః పట ఇతిలోకే తధాపి ఉపలభ్యంత ఏవ సర్వే పదార్థాః - కథ మేత దుపపద్యతే ఇతి పున శ్చోదనా తస్యా స్సమాధానం ప్రదీయతే అద్వైతిభిః - నఘట పటాదయః కేపి సృష్టా వస్తుతః నాపి తద్రూపేణ పరిణతాః నాయ మారంభః నాపి పరిణామః - పరం వివర్తోయ మితి వదామః - కోయం వివర్తో నామ మృత్తికైవ ఘటరూపేణ తంత వ ఏవ కేవలాః పట రూపేణ అవ భాసంతే -న ఘటో నామ కోపి మృత్తికాయా అన్యః నాపి పటోనామ తంతుభ్యో విలక్షణః కోపి విద్యతే ఇతి తేషాం సిద్ధాంతః ఆపాతతః శ్రూయమాణోయం సిద్ధాంతః విస్మయ మావహతినః - కింతు విచార్యమాణ స్స ఏవ యధార్ధ ఇతి అపగమ్యతే
తధాహి - న ఘటే పటేవా మృత్తికాం తంతూ న్వా విహాయ అణుమాత్ర మపి తత్ర ద్రష్టుం శక్యతే - ఆమూలాగ్రం మృత్తికైవ దరీదృశ్యతే ఘటే తంతవ ఏవ ఆతాన వితాన వంతః సముపలక్ష్యంతే పటే - న తద్వ్యతిరేకేణ కిమపి - వస్తుతః ఘటాదికార్య మితి యదవీషి తన్మృదాది కారణమేవ తధా ప్రతీయతే - నాన్య త్కిమపి - అతః కార్యకారణయోః ద్వయో రనన్యత్వ మర్ధా దద్వైత మేవ అవ శిష్యతే - ద్వైత మితి కేవల' మాభాసఏవ
ఏషన్యాయః ప్రకృతే సదాఖ్యాయాశ్శక్తే రపి విషయే యోజ్యతాం నిర్వికల్పాసా శక్తిరేవ నామరూపాది వికల్పానాం సర్వేషా మపి కారణ మితి సిద్ధాంతః కృతః అస్మాభిః - న తస్యకోప్య ధునా అపవాదః శక్యతే
Page 13
బ్రహ్మశ్రీ యల్లంరాజు శ్రీనివాస రావు