వక్తుం - యత సైవ కారణభూతా శక్తి స్సమస్తమపి కార్యప్రపంచ మభివ్యాప్య వర్తతే - తదాత్మనా అవభాసతే కేవలం - నసా బుద్ధి పూర్వమేతం సృజతి వికల్ప ప్రపంచం - నచ అపూర్వం తధా పరిణమతే వస్తుతః - సృజతి పరిణమత ఇతికేవల మాభాసఏవ న వాస్తవః - వాస్తవం తత్కారణం శక్తిరేవ - ఏతన్మనసి కృత్యైవ భాషితం భాష్యకారైః - కారణ స్యాత్మ భూతా శక్తిః శక్తేరాత్మ భూతం కార్యమితి సూత్ర ప్రాయేణ
కారణ మితి చైతన్యం సదా నిర్వికల్పం - తత్తునిమిత్త కారణ మేవ సర్వస్య - నోపా దాన కారణం యతో న కదాపి వికల్పం సహతే చైతన్యం - తదేవ జ్ఞానం తదేవ జ్ఞేయ మితి కధం సంగచ్ఛతే - అతో నిమిత్త మేవత త్సదా - తర్హి వికల్పః కన్యేతి అపేక్షాయాంతస్య యా శక్తి స్సదాఖ్యా తస్యాఏవ - సాచ వికల్పం భజత ఇతి ననిమిత్తం కింతూ పాదాన మేవ కారణం - తయోర్ధ్వయో రపి యత్కార్యం త దిదం స్థావర జంగ మాత్మకం జగత్ - అస్య జగతః కార్యస్యో పాదానం సా శక్తి స్సవికల్పాపి పునర్నిర్వికల్పైవ - వికల్పానాం సర్వేషా మాభాస రూపత్వాత్ ఆభాసోవస్తునో నభిద్యతే - వస్తువ ఏవ తధా ప్రతీయమా నత్వాత్ యధా రజ్జురేవ సర్పరూపేణ భాసతే ఇతి సర్పో నవ్యతిరిచ్యతే రజ్జ్వాః కింతు వస్తుతో రజ్జురేవ సర్పః అతః శక్తి కార్యమితి జగచ్ఛక్తిరేవ శక్తిరపి స్వకారణస్య చైతన్యస్య ఆత్మ భూతైవ - నాన్యా - తస్మాత్ - యధా అగ్నే ర్థ్యాలా అగ్నిరేవ - ఏవం చిచ్ఛక్తి రేషా చిదేవ నాన్యా - ఏపంచ కిమత్ర
Page 14
బ్రహ్మశ్రీ యల్లంరాజు శ్రీనివాస రావు