నాపి సా తత్త కారేణ పరిణమతే ఇత్యపి మంతవ్యం - నాయమారంభః నాపి పరిణామః - కుతోనారంభః - ఘటః పటోవా ఉత్పత్తేః పూర్వం సర్వాత్మనా న భవతి చేత్కరం సృష్టే రనంతరం భవతీతి శక్యతే వక్తుం తధా సతి అభావో భావో భవతీతి వక్తవ్యం యదతీవ పరిహాసా స్పదం సచఘట స్సంప్రతి భవన్నేవ పునర్వినాశా త్పశ్చాన్న భవతీతి బ్రవీషి తదపి పరిహాసాయైవ - కథంనామ తావత్పర్యంతం ప్రతీయ మానోయం హఠాన్నోపలభ్యతే ఇతివక్తుం ఉత్సహసే - అపిచ అభావ భూతస్య ఘటస్య కథమిదానీం భావః - తధాసతి ఆకాశే తస్యాభావ ఇతికస్మా దాకాశా ద్ఘాటోనోత్పద్యతే - మృద ఏవకస్మా దుత్పద్యతే - తస్మాదారంభవాదః పరాస్తః
ఏవం పరిణామ వాదోపి నోపపద్యతే- కింలక్షణః పరిణామః నను పదార్థస్య కస్యాపి పూర్వావస్థా ప్రచ్యుతి రుత్తరావస్థా ప్రాప్తిరేవ పరిణామః ఘటస్యకానామ పూర్వావస్థా నను మృత్తికైవ - తస్యాః ఘటః కదా ప్రచ్యుతః - ఘటభావేపి సా మృత్తికా నప్రచ్యుతా - ప్రత్యుత అనువర్తత ఏవసా అవస్థా పూర్వోత్తర కాలయోర్ధ్వయోరపి - సత్యేవం కధముచ్యతే ఘటః పరిణమతే మృత్తికావా ఘటరూపేణ పరిణమతే ఇతి తస్మాత్ పరిణామ వాదోపి న ఘటతే - ఆరంభ స్తార్కికాణాం పరిణామ స్సాంఖ్యానాంచ అభిమతః - తౌ ద్వావపి శ్రూయమాణ రమణీయా వేవ విచార్యమాణే ద్వావేతౌ ప్రతిష్ఠాం న అశ్నువాతే
ఏవం సతి ఘట పటా దయః తేతే పదార్థా లోకే కథ ముపలభ్యంతే భవ న్మతాను సారేణ న తే ఉత్పన్నా నాపి పరిణతా స్తత్త కారేణ
Page 12
బ్రహ్మశ్రీ యల్లంరాజు శ్రీనివాస రావు