Index

శ్రీ విష్ణు సహస్రనామ అంతరార్థము

నామం	అంతరార్థము
దివిస్స్పృక్ సర్వదృగ్వ్యాసః వాచస్పతిః అయోనిజః	దహరాకాశ పరాకాశాలను రెంటినీ స్పృశిస్తూ - సర్వమూ దృక్కే అయి (వ్యాస) వ్యాపించిన తత్త్వమది. సర్వాన్నీ కల్పించే పరాశక్తి (వాచః) కే అధిపతి. అలాటి దాని జన్మకేది యోని. అందుకే అయోనిజం-అజమది.
త్రిసామా సామగః సామ	జీవ జగదీశ్వర తత్త్వాలు మూడింటి సామ్యస్వభావమది. మూడింటి లోపలా బయటా పరచుకొని ఉన్నది. మూడు లేవసలు. వాటిని వ్యాపించటమూ లేదు. సర్వసమానంగా ఉన్నది ఒక్కటే.
నిర్వాణమ్ భేషజమ్ భిషక్	అన్ని తాపాలకూ ఉపశమనమది. గొప్ప దివ్యౌషధం. అది పడితే చాలు త్రివిధ తాపాలకూ జవాబు చెబుతుంది. ఆ ఔషధం ప్రసాదించే వైద్యుడు కూడా అదే.
సన్న్యాసకృత్ శమః శాంతః	విజాతీయమైనదంతా త్యజించినదది. త్యజించి దానినంతటినీ తనలోనే లయింపజేసినది. చేసి ఎలాంటి వికారమూ లేక అచలంగా నిలిచిపోయినది.
నిష్ఠా శాంతిః పరాయణమ్	అలాంటి స్థితే కట్ట కడపటిది. అదే మీ మా శాంతి. అదే ఎప్పటికైనా మీరందుకోవలసిన పరమమైన గమ్యమని సాధకులకు బోధిస్తున్నది.
శుభాంగః శాంతిదః స్రష్టా	మోక్షమనే గొప్ప శుభాన్ని వారికంటిస్తుంది. (అంగ) అశాంతిని తొలగించి శాంతిని ప్రసాదిస్తుంది. దానికి వ్యతిరిక్తమైన తగుల మంతటినీ వదిలిస్తుంది.
కుముదః కువలేశయః	వదిలించేవారికి వదిలిస్తూ మిగతా వారినీ సాంసారికమైన కుమోదంలోనే పడదోస్తుంది. అది అనుభవించటానికి జీవ రూపంగా తానే వచ్చి ఈ (కువల) దేహచక్రంలో శయనిస్తాడా పరమాత్మ. మన ఈ దేహమే కాదు. బాహ్యమైన జగచ్చక్రం కూడా కువలమే. ఇందులోనే అంతర్యామి రూపంగా వచ్చి కూచున్నాడు.

Page 45

బ్రహ్మశ్రీ యల్లంరాజు శ్రీనివాస రావు