ఉత్తరార్ధమ్
70
నియతం కురు కర్మ త్వం- కర్మ జ్యాయో హ్యకర్మణః
శరీర యాత్రాపి చతే-న ప్రసిద్ధ్యే దకర్మణ॥ 3-8
మనోనైర్మల్యంతో కర్మ చేసినా ప్రమాదం లేదని చెప్పారు బాగానే ఉంది. కాని ప్రతి దినమూ మనం జీవితంలో సాగించే కర్మకలాపమెంతో ఉన్నది. ఇంత బరువు నెత్తిన పడితే ఆ మనసు మాత్రమెలా భరించగలదు. నైర్మల్యం మాత్రమెలా నిలవగల దని ప్రశ్న వస్తుంది.
వాస్తవమే. అగ్నికెంత దహనశక్తి ఉన్నా ఒక్కసారిగా బస్తాబొగ్గులు తెచ్చి దాని నెత్తిన పడవేయరాదు చప్పుమని చల్లారిపోతుంది. అలాగే శుద్దిచెందే లక్షణం మనసు కెంత ఉన్నా- అది అలవడే లోపలనే పనుల భారం పనికిరాదు.
కనుక పరిష్కార మేమంటే ఒక మోతాదులో చేయాలి ప్రతిపనీ. కర్మల సంఖ్యా తగ్గించుకోవాలి. తగ్గించు కొన్నదికూడా ఎంతో అంతే చేస్తూపోవాలి. ఎంత అనేది తెలుసుకోవటమెలాగ అని ప్రశ్న. అందుకే నియతమని పేర్కొ న్నాడు భగవానుడు. నియతమంటే శరీరధారణ కెంతకావాలో అంతమాత్రమని అర్ధం. శరీర ధారణమంటే బ్రతకటం. బ్రతకటానికి అన్నమూ వస్త్రమూ నివాసమూ ఇవి కనీసమైన అవసరాలా. ఇవి ఎంత హెచ్చులోనైనా ఉండవచ్చు. ఎంత తగ్గులోనైనా ఉండవచ్చు. అందులో ఎంత తగ్గులో తృప్తి పడగలిగితే అంత మంచిది. తన్మూలంగా వాటికోసం ఊరక ప్రాకులాడే శ్రమ తగ్గుతుంది. దానితో మనసుకు శాంతీ-బ్రహ్మాభ్యాసాని కవకాశమూ లభిస్తాయి.
అంతేగాని చేయమన్నారు గదా అని పిచ్చిగా చేయరాదు. మానితే అసలే మానరాదు. అధమపక్షం తనవరకు తానైనా జీవించాలి గదా మానవుడు. అందుకూ బద్దకిస్తే మరి ఒకరికైనా భారమేగదా. అంచేత ఒక మోతాదు తప్పకుండా పనులు చేస్తూపోతే సాధకుడికి ఇటు జీవయాత్రా అటు బ్రహ్మా విచారణా కూడా సాగుతుంది. ఉభయతారక మది.
