తస్మై శ్రీ గురుమూర్తయే నమ ఇదం శ్రీ దక్షిణామూర్తయే
దక్షిణా మూర్తి రితి పరమాత్మ అభిధీయతే. అమూర్తస్యాపి పరమాత్మనో ద్వే మూర్తీ సంభవతః. దక్షిణైకా. వామైకా. దక్షిణేతి జ్ఞాన శక్తిః. వామేతి క్రియా శక్తిః. తయోః జ్ఞాన మేవ తస్య స్వరూపం పరమాత్మనః. క్రియాతు తస్య సర్వార్ధ కారిణీ శక్తిరేవ కేవలా. శక్తి శక్తిమతోః పున రభేద ఏవేతి సిద్ధాంతః. అతో దక్షిణా మూర్తి రిత్యేక దేశేనాభి హితోపి పరమాత్మైవ సాకల్యేనాభి హితో వేదితవ్యః స ఏవ పరమాత్మా ఇహ గురు రూపేణ శిష్యరూపేణాపి చకాస్తీతి వర్ణనాత్ జీవేశ్వరా వేక ఏవేతి అద్వైత సిద్ధాంతోపీహ ప్రతిపాదితో బోద్దవ్యః.
అద్వైత దర్శనే హి న జీవేశ్వరయోః భేద స్సుతరా మభ్యుప గమ్యతే. యథా దర్శనాంత రేషు. చైతన్య ధాతుః ఏక ఏవ వస్తుతః తత్త దుపాధి వశాదనేకథా విభావ్యతే ఇతి తేషా మభ్యుపగమః. ఉపాధయోపి శరీరా దయః కేవల మవిద్యా కృతా ఏవ. న స్వత స్సిద్ధా యథా రజ్జు సర్పాదయః. అతో జగ దేతత్ సమస్త మపి న చైతన్యా దాతిరిక్తం రజ్జు సర్పవదేవ. న ఖలు సర్పో నామ రజ్జ్వా మారోపితః తస్యా రజ్జ్వాః కదాపి విశిష్యతే. ఏవ మయం ప్రపంచోపి పరమాత్మ న్యారోపితత్త్వాత్ న తతో విశిష్యతే.
ఏవ మవిద్యమానే సర్వస్మిన్ ఉపాధి ప్రపంచే తదుపహితోయం జీవోపి న విద్యత ఏవ. కుతః. తద్భావ భావిత్వాత్. సత్యేవ శరీరాది సంఘాతే జీవో నామ భవతి. న చే దనుపహిత స్స ఈశ్వర ఏవ సంపద్యతే. అతో జీవ ఇతి వ్యవహారోపి లుప్యత ఏవ జగద్వ్యవహారేణ సాకం. ఉభయో రేవ మభావే ప్రాప్తే పరమాత్మైక ఏవావ శిష్యతే. అయమేవ సర్మాత్మ భావో నామ. సర్వ మాత్మైవ నాన్య దస్తీతి యోభావః. స సర్వాత్మ భావః.
అస్యాంచ భూమికాయాం న శిష్యో న గురుః నాపి పరమేశ్వరః. త్రయో ప్యేకీ భూయ కేవల మాత్మ రూపేణైవ సంవేద్యంతే. తదానీ మయం నమస్కారోపిన అన్యస్మై
Page 20
బ్రహ్మశ్రీ యల్లంరాజు శ్రీనివాస రావు