ప్రత్యాగతాః న పునర్దృష్టి పధమాగతాః అస్మాకం ఏవం సర్వోయం ఆభాస ఇతి అద్వైతినాం సిద్ధాంతోయం కధం నామ ప్రత్యేతవ్యః తాదృశే అనుభవే అసతీతి ప్రశ్నః
ఉచ్యతే - యావ దిదం శరీర మేవాహం అయమేవ మమ ఆత్మా నా న్యోస్మి తద్విలక్షణః ఇతి తవానుభవః తావ దయం ప్రశ్నో నుషజ్యత ఏవ - న తస్య సమాధానం కదాపితే స్ఫురతి - అద్వైతాచార్యై శ్మతధా ఉపదిశ్యమాన మపి నతే విశ్వాస ముత్పాదయతి - ప్రత్యుత సర్వ మపితై రుచ్యమానం మృషాభూత మివ ప్రతిభాతి - వస్తుతః సత్యమపి - నన్వహ మాభాస ఇతి నిర్ణీతోస్మి భవతా కధ మపరాధీ స్యామితి బ్రవీషిత్వం ఆభాస స్యాపితవ సకాశే వాస్తవ మస్త్యేవ తదధిష్ఠాన మనువర్తమానమితి న విస్మర ద్వావపి సమానాధికరణా వస్త్వా భాసౌ - న కదాపి పృధగ్భూతా విత్యవేహి - యధా సువర్ణాలంకారౌ - యావ దలంకారః కటక కుండలాది రాభాసః తావత్తేన అవినాభావేన వర్తతే తదధిష్ఠానం సువర్ణం - న తత్పరిత్యజ్య క్వాపి పలాయితం -
ఏవం సతి న భేతన్య మస్మాభిః - కథ మాభాస రూపోహం జనన మరణాది సమస్యాయా నిర్ముక్తో భవేయమితి - అధిష్ఠాన దృష్టిం విహాయ కేవల మాభాస దృస్ట్యైవ యావద్భవసి తావ త్సమస్యైవ తేన పరిష్కారః ఆభాసః తవాయం దేహ ఏవ - తమే వాభిమన్యమానః తేన తాదాత్మ్యం గతోసి - న తస్యయ దధిష్ఠానం సత్తా మాత్రలక్షణం తత్కటాక్షేణాపి వీక్షసే
Page 18
బ్రహ్మశ్రీ యల్లంరాజు శ్రీనివాస రావు