జ్ఞానం - తదాలంబనం విస్మృత్య తైః కళత్ర పుత్రాదిభి ర్విశేషైః వ్యవహరత ఏవ సమస్యా ప్రత్యవతిష్ఠతే
ఏతావతా కిముక్తం భవతి - తత్తద్విశేషై ర్వ్యవహరణ కాలేపి సామాన్య దృష్టి మవలంబ్యైవ తైః వ్యవహర్తవ్యమితి- అపిచ శక్యత ఏవ తధా కర్తుమపి ద్వంద్వావధానం కధమితి న చోదయితవ్యం - అష్టావధాన మేవ కుర్వంతి కేచి న్మేధావినః అస్మిన్ లోకే - కిం పునః ద్వంద్వావధానం - తధాహి వాహన చోదకః సంగీతం శృణ్వన్నేవ వాహనం చోదయతి - పార్శ్వవర్తినా భాషమాణ ఏవ వాహన చోదనే అవధానవాన్ దృశ్యతే - యధాయం దృష్టాంత స్తధా జ్ఞానం మమ ఉదాసీనం సాక్షితయా వర్తమాన మేవ తైసైర్భావై రౌకికై స్సం వ్యవహారమపి కరోతీతి కిం న మంతవ్యం - యధా కశ్చి న్నటః తత్తత్పాత్రధారీ తేషాం పాత్రాణాం జీవిత వ్యవహార మభినయన్నపి స్వకీయం జీవితం నవిస్మరతి కదాపి - ఏవం వయమపి సాధకాః సర్వమిదం పదార్థజాతం సత్సామాన్యస్య మమ వేషభాషాదిక మేవ నాన్యన్మదీయాయా శ్చైతన్యసత్తాయా ఇతి అవిస్మరంతః - అస్మత్ చైతన్యమేవ బంధుమిత్రాది పాత్రాణి ధృత్వా తేషాం హావ భావాది నానావిధ మభి నయతీతి అనుసందధీమ - ఇద మనుసంధానం పదేపదే కుర్వాణస్య మమ తావత్ జీవిత యాత్రా నిరాతంక మనువర్తత ఏవ - ఏతేన జ్ఞానినః లోక వ్యవహారః కధమితి అన్యాప్యాశంకా నిరాకృతా
ఏతావతా సందర్భేణ కిం పర్యవసితం కింవా ప్రయోజన ముపనతం - కధంవా జీవిత సమస్యా నః పరిహృతేతి ప్రత్యవ మృశ్యతాం సాధకై రస్మాభిః - సామాన్యం విశేష ఇతి ద్వావేవ పదార్థా న తతోతరిక్తః
Page 50
బ్రహ్మశ్రీ యల్లంరాజు శ్రీనివాస రావు