ఏవమేభి ర్విశేషై స్సంసర్గ ఏవ సర్వానర్ధ హేతు రస్మద్ జ్ఞానస్య - అతః తేషాం విశేషాణాం సామాన్య భూతా యా సత్తా తయా సంబద్ధుం ప్రయతేత మమ తవచ జ్ఞానం - సత్తా చేయం సర్వత్ర విద్యతే - యత్ర యత్ర సద్విశేషా దేహేంద్రియ కళత్రాదయ స్తత్ర సర్వత్ర అనుస్యూతా వర్తతే ప్రత్యుత త ఏవ మధ్యేమధ్యే విచ్ఛిద్యంతే - తధా న తేషాం సత్తెషా కదాపి విచ్ఛేద మాప్నోతి - తస్మాన్న సంకోచః కర్తవ్యః సాధకైః - సా సత్తా సదా ధ్యాతవ్యా - తదేవ నిది ధ్యాసన ముచ్యతే అద్వైతిభిః ఏవం సత్తెవ యదా అనుసంధీయతే తదా తయా సార్ధ మియం చి దస్మదీయా శరీర కళత్ర పుత్రాది విశేషాన్ విసృజ్య తానపి సన్మాత్రానేవ పశ్యన్ సర్వతో వ్యాప్నోతి తదా స్వస్థాస్వస్థ మూర్ఛా మరణాద్యవస్థా విశేషాస్సర్వే సచ్చిత్సామాన్యే నైవ ఆక్రాంతా స్తన్నిర్విశేషా భూత్వా న కధం చిదస్మాన్ పీడయితుం శక్నువంతి తదాత్మనైవ దృశ్యమానత్వాత్
అయంతు రాజ మార్గః సాధకస్య - కింతు తత్సత్తా మాత్ర దృష్ట్యా వర్తితుం తధా జీవితుంవా వ్యవహారే న సంభవతీతి ప్రతిభాతి అభ్యుపగచ్ఛామో వయం -వ్యవహారః న సత్తయైవ పదార్థానాం కింతు సద్వికల్పై స్తత్త చ్చేతనా చేతనైరపి దుర్నివారః ప్రవర్తతే - తదా కధం కర్తవ్యమితి విచికిత్సా సాధకానాం - ఉచ్యతే - సామాన్యం విస్మృత్య విశేషానేతాన్ పశ్యత ఏవాయం ప్రమాదః - విశేషేషు తేషు ఉపలభ్యమానేష్వపి తత్ర తై స్సహ సత్సామాన్య మస్యేవ ఇతి న విస్మర్తవ్యం - తస్మాత్ తదాలంబ్య తై ర్వ్యవహర్తవ్యం - తధా వ్యవహరతో నతై ర్విశేషై రపప్రియతే తవ
Page 49
బ్రహ్మశ్రీ యల్లంరాజు శ్రీనివాస రావు