ఏవం ప్రాణోపి మమ గోచరీభవతీతి అయ మప్యహం న భవేయం తధా మనోవృత్తయోపి మయా విషయీ క్రియంత ఏవేతి తేభ్యోపి వ్యాపారేభ్యః ప్రత్యగహమితి స్వరూపాభి ముఖ ఏవ భవేయం - తచ్చ స్వరూపం తావతా కేవలం చైతన్యమేవ సంపద్యతే - యస్మాత్ శరీరా త్ప్రభృతి మనః పర్యంతం సర్వ మనాత్మతయా దూరీకృత్య తదుపలబ్ధ యచ్చైతన్యమాత్రం తదేవాహమితి స్వాత్మత్వేన గృహ్యతే - కిం బహునా - యావద్యావ దేష శరీర మనః ప్రాణాది సంఘాతో మము విషయతయా గోచరీ భవతి తావ తావ త్త దన్యోహమితి తత్సాక్షితయా చైతన్య రూపో మమాత్మా పరిశిష్యతే -తథైవ సంవేదనా జాయతే మమ న తత్ర కాచి దాశంకా
ఏవం చైతన్య రూపేణ శిష్యమాణోహ మేవ ప్రత్యగాత్మా నామ సర్వస్యాస్య కలాపస్య ప్రత్యగ్భూతత్వాత్ - యదైవ మాత్మానం శరీరాదే ర్వివిచ్య ప్రత్యగ్రూపేణ జానామ్యహం తదైవ నిరాకారత్వా చైతన్యస్యాహం శరీరాన్నిర్గత్య అంతర్బహి స్సర్వత్ర ప్రసృతో భవామి ఆకాశ ఇవ - తదా శరీరే యధా శరీరాద్బహి రప్యహం అస్మీతి సంవేదనా అవశ్యం జాయతే మమ - ఏషైన ప్రత్యభిజ్ఞా ఇతి వ్యపదిశ్యతే అద్వైతిభిః - యద్యప్యేవం తధాపి ఆత్మనోన్యదిదం చరాచరాత్మకం జగదృశ్యత ఏవ - తత్కధమితి విచికిత్సా దుర్నివారైవ - తన్నివారణార్ధ మిదానీం విచార్యతే - వ్యోమేవ యదాహం విస్తృతో భవామి తదా జాగతికాః స్సర్వే పదార్థాః క్వ భవేయుః నను మమ విస్తార ఏవతే ఆంతర్భవేయుః
నామరూప క్రియాదయ స్సర్వే విశేషా ఏవ - అహంతు తేషాం సర్వేషాం సామాన్య రూపం చైతన్యం - విశేషా స్సర్వే సామాన్య ఏవ సిద్ధం
Page 36
బ్రహ్మశ్రీ యల్లంరాజు శ్రీనివాస రావు