పున ర్జీవితకాలే ప్రారబ్ధ ఫలేన జీవిత మతివాహయంతీ జీవ భావ మముంచానైవ ప్రవర్తతే అవిచ్ఛేదేన -
ఏష సర్వోపి ధర్మపురుషార్ధ వ్యవహారః - యద్యప్యేవం వర్ణితో వ్యవహార స్స కేవలం వ్యావహారిక ఏవన పారమార్థికః - విశేష జ్ఞాన నిబంధనో వ్యావహారిక ఇతి సామాన్య జ్ఞానాత్మకః పారమార్ధిక ఇతి వివేకః -యావత్ పారమార్థికం జ్ఞానం నోదేతి తావ ద్య్వావహారికమేవ వాస్తవికతాం భజతే - పారమార్థికంచ తద్విపర్యయేణ అవాస్తవమివ సంభావ్యతే యధా స్వప్న దశాయాం స్వప్న ఏవ వాస్తవః - జాగరితం వాస్తవమపి తస్యాం అవస్థాయా మసద్భూత మివ సంభావ్యతే తధా - యదా పున ర్యస్నిన్ కస్మింశ్చిద్వా జన్మని సర్వమిద మహం చిత్స్వరూపః న మత్తోన్య దణు మాత్రమపి విద్యత ఇతి సర్వాత్మజ్ఞాన ముత్పద్యతే తదా వ్యావహారిక మిదం ధర్మపురుషార్ధాశ్రిత మేకపదే వినశ్యతి ద్వైతరూపత్వాత్ తతః ప్రభృతి పారమార్ధికమేవ సామాన్య లక్షణం సర్వ విశేషవ్యాపి దేదీప్యమానం ప్రవర్తిష్యతే - దేశ కాలవస్తు విశేషా స్సర్వేపి నామరూప క్రియాత్మకా స్తస్యైవ మమ చైతన్యస్య కేవలం విభూతిః సంపత్స్యతే ఇతి వేదితవ్యం
తస్మాన్నాతి శంకితవ్యోయ మద్వైత సిద్ధాంతః - పూర్వోక్తరీత్యా ఆదౌ శరీరాదాత్మ నః స్వరూపం పృధగ్భూతం భావయేత్ - కధమివ - శరీర మహమేవ యది మమ చైతన్యస్య శరీర మిదం న దృశ్యేత - అహంచ శరీరమేవ యదిస్యాం శరీర మిదం కస్య గోచరీ భవేత్ - అతః శరీరం శరీర మేవ - తద్రోహక ఆత్మా ఆత్మైవేతి నిశ్చయః కర్తవ్యః - తదను శరీర మిదం మమ పరాగ్భూత మహం నస్యామితి ప్రత్యజ్ఞ్ముఖో భవేయం
Page 35
బ్రహ్మశ్రీ యల్లంరాజు శ్రీనివాస రావు