అధికైవ సంవేద్యతే - తదతిరేకేణ యేమనుష్యా అస్మాదృశా స్తేషా మధికా దధికతరం విభావ్యతే తన్మనః న పాషాణా దీనా మివ అత్యంత విలుప్తం నల తాగుల్మాదీనా మివకించి ద్విలీనం- పశుపక్ష్యా దీనామివ యత్కించి ద్విభావ్యమానం - కింతు పూర్ణతరం విభావ్యతే - అత్ర వాసనాక్షేత్ర మతీత్య వివేచనా క్షేత్ర మభినివి శతే మనః
తస్మా దిద ముపాదేయ మిదం హేయమితి విభాగేన దర్శనం మనుష్యాణా మేవనః ప్రతీయతే - తధాహి పురుషే త్వేవ ఆవిస్తరా మాత్మా -సహి ప్రజ్ఞానేన సంపన్నతమః - విజ్ఞాతం పశ్యతి - విజ్ఞాతం శృణోతి -వేత్తి శ్వస్తనం - వేత్తి లోకా లోకౌ - మర్యేనా మృత మీక్షతీతి ఉక్తం తైత్తిరీయ సంహితాయాం - విజ్ఞానేన పూర్ణత్వాదే వాయం పురుష ఇత్యపి వ్యపదిశ్యతే మనుష్యః - మనుతే ఇత్యతోపి మనుష్యోయం సంవృత్తః తచ్చమనః న వాసనారూపం తిరశ్చామివ అపితు వివేచనాత్మకత్వాత్ హానో పాదాన సమర్ధం భవతి - హానం దుఃఖ పరాజయ వ్యాధ్యా దీనాం ప్రతికూలానాం ఉపాదానం తద్విపర్యయేణ సుఖారోగ్యాదీనాం అను కూలానాం - యః ప్రతికూల స్సా సమస్యా - అనుకూలోయ స్సపరిష్కారః సమస్యాయాః
సమస్యా అపి జీవితే పరశ్శతాః పరస్సహస్రా ఇవ ప్రతీయంతే -కింతు మృత్యోరపేక్షయా తా స్సమస్యా ఏవ నస్యుః - మరణ మేవ వస్తుత స్సమస్యా మనుష్యాణాం - నను పరిణామః అధవా విచ్ఛేద ఏవ మరణం నామ జన్మ విచ్ఛిద్య జీవితం జీవితం విచ్ఛిద్య మరణం ప్రాప్నోతి జన్మనః ప్రభృతి మరణ పర్యంతం యావత్యో వస్థా స్సమస్తా ఏకైకా విచ్ఛిద్య అన్యాన్యా సంప్రాప్తా భవతినః అంతే చ కృత్స్నమేత జీవితం విచ్ఛిద్య తద్విపర్య యేణ మరణమేవ శరణం భవతి
Page 40
బ్రహ్మశ్రీ యల్లంరాజు శ్రీనివాస రావు