తేషాం భావః స దిదం నతేషా మస్తిత్వం భవితు మర్హతి - కధంత దేవా శ్రిత్య ప్రతిష్ఠాం భజ మానా స్తస్యైవ పునః ప్రతిష్ఠా భవితుం క్షమంతే - తర్హి కస్యేద మస్తిత్వం – పారిశేష్యా దాత్మన ఏవ చిద్రూపస్య ఇతి అవగంతవ్యం అహ మస్మీతి నన్వాత్మై వాభిజ్ఞాతు మల మిత్యుక్త మధస్తాత్ – తస్మాదాత్మన ఏవాస్తిత్వం న అనాత్మనః కదాపి యద్యవ్యస్తి అస్తీతి అనాత్మ సంబంధితయా ప్రతీయతే ఆత్మన ఏవ తదస్తిత్వం అనాత్మ సంబంధితయా ప్రతీయతే - ఆత్మన ఏవ తదస్తిత్వం అనాత్మ గతం అవభాసతే - తధాహి భగవత్పాదై రుక్తం ‘యస్యైవ స్ఫురణం సదాత్మక మసత్క ల్పార్థగం భాసతే' ఇతి ఆత్మైవ వస్తుతః అహమస్మీతి యథా తథా ఇది మస్తీ త్యపి ఉభయధా స్వకీయ మస్తిత్వం వికల్ప్య స్వయమేవ సంవేదయతే ఇతి రహస్యం -
అత్రేద మన్యద్రహస్య మపి వేదితవ్య మస్మాభిః - చిన్మాత్ర లక్షణ ఆత్మాన కదాపి వికల్పం భజతే - వికల్పితో యద్యాత్మా తం వికల్పం పునరాత్మైవ జానీయాత్ – యదా జానాతి తదా సవికల్పః తస్య జ్ఞేయో భవతి -జ్ఞేయశ్చే దనాత్మా ఏవ న త్వాత్మా అతః ఆత్మా సదా నిర్వికల్ప ఏవ నజాతు సవికల్పో భవితు మర్హతి - యద్యేవం కింనామ తత్స వికల్ప మితి చేదుచ్యతే - యదిద మాత్మన అస్తిత్వం సదితి పరిభాష్యతే తత్స న్నిర్వికల్పం* సవికల్ప ము భయధా భవతి గుణాత్మకత్వాత్ సత్త్వ రజస్త మసాం సామ్యావస్థాయాం నిర్వికల్పం సత్ యధా చిత్ - తదా సచ్చితో రుభయో ర్నిరాకారత్వా న్నిర్వికల్పత్వా దేకాత్మ తైవ న ఆత్మానాత్మ విభాగ స్తత్ర విద్యతే - ఆత్మై వాస్తి సర్వత్ర - స్వకీయేన అస్తిత్వేన సర్వత్ర వ్యాప్నో త్యాత్మా య ఏవ సర్వాత్మ భావ ఇతి అద్వైతినా జోఘు ష్యతే -
కింతు సదితి యా ఆత్మన స్సత్తా సాయావ న్నిర్వికల్పా తావన్న సమస్యా కాచిత్ - అనాత్మ వత్ ప్రతీయ మానస్య సర్వస్యాపి ప్రపంచస్య
Page 18
బ్రహ్మశ్రీ యల్లంరాజు శ్రీనివాస రావు