శక్నోతి అతోయుక్త్య పేక్షం వాక్య మను భావయిష్యతీతి చేత్ - తధాపి ఆవృత్త్యానర్థక్య మేవ - అధాపి స్యాత్ యుక్త్యా వాక్యేనచ సామాన్య విషయ మేవ విజ్ఞానం క్రియతే - న విశేష విషయం - యధా అస్తి మే హృదయే శూలమితి అతో వాక్యాత్ గాత్ర కంపనాది లింగాచ్చ శూలసద్భావ సామాన్య మేవ పరః ప్రతిపద్యతే - నవిశేష మమభవతి యధా సఏవ శూలీ - విశేషాను భవశ్చ అవిద్యాయా నివర్తకః అత స్తదర్గా ఆవృత్తి రితి చేన్న – ఆసకృదపి తావన్మాత్రే క్రియ మాణే విశేష విజ్ఞానోత్పత్త్యసం భవాత్
అపిచ అనేకాంశోపేతే లౌకికే పదార్థే సామాన్య విశేషవతి ఏకేనా వధానేన ఏకమంశ మవ ధారయతి అపరేణా పరమితి స్యాదపి అభ్యాసోప యోగః - నతు నిర్విశేషే బ్రహ్మణి సామాన్య విశేషరహితే చైతన్య మాత్రాత్మకే అభ్యాసా పేక్షా యుక్తా ఇతి చే దుచ్యతే - భవే దావృత్త్యానర్థక్యం తం ప్రతి య స్తత్త్వ మసీతి సకృ దుక్త మేవ బ్రహ్మాత్మత్వ మను భవితుం శక్నుయాత్ యస్తు న శక్నోతి తం ప్రత్యుప యుజ్యతే ఏవ ఆవృత్తిః - యద్యపిచ ప్రతిపత్తవ్య ఆత్మా నిరంశః తధాపి అధ్యారోపితం తస్మిన్ బహ్వంశత్వం దేహేంద్రియ మనోబుద్ధి విషయ వేదనాది లక్షణం - త త్రైకేనా వధానేన ఏక మంశ మపోహతి - అపరేణ అపర మితి యుజ్యతే తత్ర క్రమవతీ ప్రతిపత్తిః - తత్తు పూర్వ రూపమేవ ఆత్మ ప్రతిపత్తేః - యేషాం పున ర్నిపుణ మతీనాం న అజ్ఞాన సంశయ విపర్యయ లక్షణః పదార్థ విషయః ప్రతిబంధోస్తి తే శక్నువంతి సకృదుక్త మేవ వాక్యార్థ మనుభవితుం
Page 45
బ్రహ్మశ్రీ యల్లంరాజు శ్రీనివాస రావు