తత్ర క్రమముక్తి రభ్యుదయా ధ్యపేక్షయా ప్రకృష్ట త రా యతఃకార్య మపరం బ్రహ్మ గమయతి కార్యమేవ సగుణం బ్రహ్మ - పరబ్రహ్మ సామీప్యా దపరస్య - తస్మిన్నపి బ్రహ్మ శబ్ద ప్రయోగో న విరుధ్యతే నను కార్య ప్రాపౌ అనా వృత్తి లక్షణం న ఘటతే- నహి పరస్మా దహ్మణః అన్యత్ర క్వచి న్నిత్యతాం సంభావయంతి - అత్ర బ్రూమః – కార్య బ్రహ్మలోక ప్రలయ ప్రత్యుపస్థానే సతి తత్రైవ ఉత్పన్న సమ్యగ్దర్శనాః సంతః తదధ్యక్షేణ హిరణ్య గర్భేణ సహ అతః పరం పరిశుద్ధం పరమం పదం ప్రతి పద్యంతే స్మృతిరపి ఏత మర్థ మను జానాతి - బ్రహ్మణా సహతే సర్వే - సంప్రాప్తే ప్రతిసంచరే - పరస్యాంతే కృతాత్మానః - ప్రవిశంతి పరం పదమ్
ఏవం విచార్యమాణే నకర్మైవ కింతు ఉపాసనా సగుణ బ్రహ్మ విషయా బ్రహ్మలోకం గతస్యాపి సాధకస్య సమ్యగ్ జ్ఞానోదయం వినా న మోచయతి సంసార బంధనా దిత్యుక్తే - కైవగణనా తత్తద్దేవతా విషయాయా ఉపాసనాయాః తస్మాత్ బ్రహ్మాత్మ విషయం జ్ఞానమేవ మోక్షాయ ఉపయుజ్యతే నాన్య దితి వేదిత వ్యం – భవతు - చిత్త వృత్తినిరోధ లక్షణోయోగః కిమితి నోపయుజ్యతే - స ప్రాగేవ అకించిత్కర ఇతి అవధార్యతాం - కుతఇతిచేత్ ఉచ్యతే - ద్వైతిన స్తే యోగినః న అద్వైతినః జీవేశ్వర యో ర్జగదీశ్వర యోశ్చ భేద దర్శనాత్ అద్వైతిన ఇవ నాత్మైకత్వ దర్శినో యోగినః అతః జీవ జగదీశ్వరా స్త్రయోపి పరస్పర వ్యావృత్తాః పరిచ్ఛిన్నాః అభ్యుపగతాః సర్వే యధాస్వం
Page 25
బ్రహ్మశ్రీ యల్లంరాజు శ్రీనివాస రావు