నను నిరవయవం సత్ నిరవయవస్య సతః కధం వికార సంస్థాన ముప పద్యతే - నైషదోషః - రజ్జ్వాద్యవ యవేభ్యః సర్పాది సంస్థాన వత్ బుద్ధి పరికల్పితేభ్యః సదవయ వేభ్యః వికార సంస్థానోపపత్తేః - నామైన కేవలం - న వికారో నామ వస్త్వస్తి - సతఏవ ఇదం శబ్ద బుద్ధి విషయతయా అవస్థానాత్ - సదితి న కేవల మస్తితా - అస్తితా మాత్రం చే ద చేతనం స్యాత్ - కింతు ఈక్షితృత్వ శ్రవణాత్ చైతన్యాత్మకం - చైతన్య మధవాజ్ఞాన మేవ ప్రమాణం సర్వస్యాపి జ్ఞేయ పదార్ధస్య - అప్రమాణస్య కస్యాపి అసిద్ధేః -అతశ్చిదాత్మక త్వాత్సతో వికార శక్తి యోగః ఉపపద్యతే - వికారాస్తు నామరూపాదయః తేన సతా చిదాత్మకేన అప్రవిభక్త దేశకాలాః తత్ప్రత్యాఖ్యానే న సంత్యేవ తత్తు తేషాం స్వరూపత్వా త్తదభావేపి స్వతో భవత్యేవేతి వేదితవ్యమ్ - అతఏవ మృద్వివేక దర్శినాం ఘటాది శబ్ద బుద్ధి యధా నివర్తేతే తద్వత్ సద్వివేక దర్శినాం అన్య వికార శబ్ద బుద్దీ నివర్తేతే-
నను కిమత్ర బుద్ధి శబ్ద కల్పన యా క్రియతే - ప్రాగ్రూప త్రయ వివేక కరణా దగ్ని రేవ ఆసీత్ - త దగ్నే రగ్నిత్వం రోహితాది రూప వివేక కరణా దపాగా దితి యుక్తం - యధా తంత్వపకర్షణే పటాభావః – నైవం బుద్ధి శబ్ద మాత్ర మేవహి అగ్నిః వాచారంభణ మాత్ర త్వా ద్వికార సంస్థానస్య - అతః అగ్ని బుద్ధిరపి మృషైవ - తధా చ నామ రూపాది సదాత్మనైన సత్యం వికార జాతం - స్వతస్తు అనృత మేవ - తధా జీవోపి
Page 11
బ్రహ్మశ్రీ యల్లంరాజు శ్రీనివాస రావు