ఏవం సవికల్ప దశాయా మపి నిర్వికల్పా ఆత్మ సత్తా సర్వదా అవిచ్ఛేదేన వర్తత ఏవ - వస్తుతంత్రాహిసా - న బుద్ధి తంత్రా - బుద్ధ్యా కేవల మేవం సంభావ్యతే జాగ్రద్దశాయా మవిచ్ఛిన్నా సాస్వాపమూర్ఛా మరణాదిషు విచ్ఛిన్నేతి - యది నిద్రాయాం నభవామో వయం కధం జాగ్రతి పునః ప్రతిబుద్ధాః జీవామః - అన్యధా ప్రతి దినం రాత్రా మృత్వా పునరహని మరణా త్పునరుత్థాతా ఇతి వక్తవ్యం - తత్తు పరిహాసాయ కేవలం - యతః అహోరాత్ర భేదమనాదృత్య సర్వం జీవిత మేవ మన్యామహే సర్వేవయం - ఏవమేవాస్మాక మనుభవః - తస్మా త్సత్తాయా విచ్ఛేదోన వస్తు దృష్ట్యా అపితు అస్మద్బుద్ధి దృష్ట్యా - బుద్ధిర్యదా వికల్పయ త్యాత్మన స్సత్తాం తదా సైవ జనన మరణాది వికల్ప రూపేణ ప్రతి భాతి - యదా పునర్నవి కల్పయతి - తదా సత్రైవ నిరంతరా సంవేద్యతే
తస్మాదేత దుక్తం భవతి - సవికల్పా నిర్వికల్పేతి నద్వేసత్తే విద్యేతే ఆత్మనః - ఆత్మాయధా తధా తస్య సత్తాపి సదా నిర్వికల్పైన - సవికల్పవ త్ప్రతీయ మానాపి వస్తుత స్సైవ నిర్వికల్పా - సైవద్విపాత్రాభినయం కరోతీతి అవగమ్యతాం - అతోన భేతవ్య మస్మాభిః - ఇదం జీవితం జీవామ స్సంప్రతి కాలాంతరే జీవిత మిద మస్తం గచ్ఛతి తదా కామేగతిః క్వయాస్యామి - కోవా భవిష్యామి భవిష్యామి వానవా భవిష్యామి యధా చార్వాకో బ్రవీతి తధాకిం సర్వనాశం గమిష్యామీతి ఏషాభీతి ర్నకర్తవ్యేతి సమాశ్వాస యంతి వేదాంతినః తత్కధమితి విశదీ క్రియతే
Page 55
బ్రహ్మశ్రీ యల్లంరాజు శ్రీనివాస రావు