1. విషయాధికారః
సచ్చిదితి ద్వావేవ పదార్థా - నాన్యః కోపి - సదితి అస్తిత్వ మేవ కేవలం - నతు యదస్తి లోకే ఘట పటాది తదితి భ్రమితవ్యం - విశేష 3) రూపాస్తే అస్తిత్వస్య - ఇదంతు సామాన్య భూతం తేషా మస్తిత్వం – అత ఏవ నిరాకార మేత త్సర్వ వ్యాపకం - యద్యప్యేవం తధాపి అచేతనం త దస్తిత్వం - అహమేవ మస్మీతి స్వసంవేదనా నాస్తితస్య - యదైవం తతః స్వతోన సిద్ధ్యతి - య త్సం వేదనాత్మకం చేతనం తదపేక్ష్యైవ సిద్ధ్యతి
అధ యచ్చిత్త చ్చేతనత్వాత్ స్వయమేవ సేద్దు మర్హతి - చేతనత్వా =* దహ మేవ మస్మీతి స్వయమేవాత్మానం ప్రతిపత్తు మలం - నైతా వదేవ ఇదం మమాస్తిత్వమితి త దప్యాకలయితుం శక్నోతి చిదితి ప్రమాణ భూతం – స్వతః ప్రమాణం భూత్వా త త్సతోపి ప్రామాణ్యం భజతే - తేన * ప్రమాణేన గృహ్యమాణం సత్సదా ప్రతిష్ఠాం లభతే - ప్రమాణభూత మపీదం చైతన్యం పునః స్వసిద్ధయే సత్తా మపేక్షతే - కస్మాత్ – సత్తయా విరహితం త దస్తీతి న శక్యతే వక్తుం - ప్రత్యుత నాస్తితి ఆ పద్యతే - తచ్చ అనిష్టం -యతః ప్రమాణ వర్జిత మస్తిత్వం అస్తిత్వ వర్జితం చ ప్రమాణమితి ద్వయోరపి
Page 5
బ్రహ్మశ్రీ యల్లంరాజు శ్రీనివాస రావు