సర్వమిదం భాగధేయం మమ శరీరా దేతస్మాద్బహి ర్భూతస్యైవ భవతి నాన్యధా - బహిర్భావశ్చ సర్వత్ర మమసత్తామేవ పశ్యతః నాంతరీయకః సత్తా మేవ పశ్యం పశ్యం బహిరా గంతుం శక్యత ఏవ కింతు బహిరాగతస్య కింమమ స్వరూపం కోవా ప్రాణః కీదృగ్వా మమ మనః ఇతి ప్రశ్న ఉదేతి - ఉచ్యతే - సర్వతో దృశ్య మానోయ మాకాశ ఏవ మమ శరీరం - తతోపి వ్యాపినీ సత్తైవ మేప్రాణః - తదుభయం వ్యాప్నువానా ప్రజ్ఞేవ మనః - ప్రాణస్య ప్రాణః మనసో మన ఇతి యదుక్తం శాస్త్రేణ తదేవం సంగచ్ఛతే ఇతి వేదితవ్యం అతః సంకుచితస్య జీవితస్య తిలాంజలిం దత్వా అతివిశాల మనంతం జీవితం జీవితుం శక్ష్యామః యత్ర మృత్యు భయమేవ నస్యాత్
ఏవం నిరుపాధిక దశైవ నకేవలా - కింతు సోపాధికాపి అనుభవితుం శక్యతే - అధిష్ఠాన జ్ఞానేసతి శరీరాద్యా రోపితస్యాపి తేనా నన్యత్వాత్ కధం మమ చైతన్యమేవ క్వచిత్పర్వత పట్టణాదినా ఘనీభూత మివ క్వచిన్నదీ సాగరాత్మనా ద్రవీభూత మివ క్వచిత్తరు లతాది రూపేణ ఉచ్ఛిత మివ క్వచి త్పృధి వ్యాదిరూపేణ ఆశ్యాన మివక్వచి దదృశ్య మాకాశవత్ క్వచిదపి దృశ్యమాన మండ పిండాదివ దనేకధా సంవేద్యతే మమైన ద్రవ్యం తద్రూపం తదీయం చేష్టితం సమస్త మేత దహమేవేతి సంవేదనాపి అవశ్యం జాయతే యేనన కించి త్కచిత్కస్వచి ద్విలక్షణం - అపితు సర్వం స లక్షణం స్వలక్షణమేవ
Page 38
బ్రహ్మశ్రీ యల్లంరాజు శ్రీనివాస రావు