మవతిష్ఠతే యధా సువర్ణం - తత్తద్విశేష రూపేణ తదేవ సామాన్యమవ భాసతే వస్తుతః
అనేన న్యాయేన చైతన్య లక్షణ ఆత్మాసువర్ణవ త్సమస్త మపివిశేష ప్రపంచం అండపిండాత్మకం అభివ్యాప్యైవ అవ తిష్ఠతే నిరాకారత్వా న్నిర్వికల్పత్వాదపి ఆకాశవత్ నిర్వికల్పత్వాదేవ న తత్ర పరిచ్చిన్నం పరిపూర్ణ మితి విభాగ ఏవ ఉపపద్యతే - అసతి విభాగే న జీవాత్మానాపి పరమాత్మేతి పరిగణయితుం యుజ్యతే జ్ఞానస్యైక రూపత్వాత్ - తర్హి జనన మరణాది సమస్యా కథ ముపలభ్యతే ఇతి అనుయోగః - జ్ఞానం యద్యపి నిరాకారం నిర్వికల్పంచ తస్య యా సత్తా సాపున స్సవికల్పాపి భవతి గుణాత్మకత్వాత్ ఇత్యుక్త మధస్తాత్
పరంతు తధా భవితుం శక్తాపి సా స్వతో న భ వతి యావ దిదం జ్ఞానం శరీరాది వికల్పమహమేవేతి తేన తాదాత్మ్యం నభజతే - యధాపురః స్థితాం రశనా మదృష్ట్వాతా మేవ తమసి సర్పదృష్ట్యా వీక్షమాణస్యైవ సా సర్పోభవతి నరశనామేవ పశ్యతః - ఏవమిహాపి శరీరాదే స్సత్తా మదృష్ట్వా సత్తా మేవ శరీరాది సంఘాతం మన్వాన స్యైవ ఆత్మా పరిపూర్ణోపి పరిచ్ఛిన్న శరీరరూపేణ ప్రతీయతే - వస్తుత స్సత్తా విశేష శ్శరీర మిదం - న సత్తా సామాన్యం - యత్సత్తా సామాన్యం తన్నిరాకార మాకాశవత్ - తదాత్మ చైతన్యేన ఏకీ భూతమేవ సర్వదా - తదేవ నః స్వరూపం పరమార్ధతః అధిష్ఠానమితి తదేవోచ్యతే - తస్మిన్ వయ మన వహితాః - అనన హితా
Page 35
బ్రహ్మశ్రీ యల్లంరాజు శ్రీనివాస రావు