రేవ సామర్ధ్యాన సార్థం జిజ్ఞాసాపి ఉపలభ్యతే ఇతితాభ్యా మేవ కర్తవ్యః ప్రయత్నః - సమస్యాం గ్రహీతుం ప్రతి విధాతుంచ తావేవ సర్వధా నిపుణా వితి
అత ఏవ అధాతో బ్రహ్మ జిజ్ఞాసేతి బ్రహ్మ సూత్రాణ్యేవారబ్ధాని -సైవ ఫలదాయినీ జిజ్ఞాసా - ఫలపర్యంతం జ్ఞానం సన్వాచ్యాయా ఇచ్ఛాయా అర్థ ఇతి భాష్యకారైరపి వ్యాఖ్యాతం విచారణైవ జిజ్ఞాసేత్యుక్త మధస్తాత్ వస్తుతః సైవ సాధన ప్రక్రియా నాన్యాకాచిత్- కర్మోపాసనా యోగ మంత్ర తంత్రాది లక్షణా కుతః యతః ఆత్మైవాస్తి సర్వత్ర ప్రసృమరః నాన్యత్తద్విలక్షణం కిమపి - యద్యపి అనాత్మేతి పరిగణ్యతే తత్కేవల మాత్మనో విభూతిరధవా విస్తార ఏవ తచ్చ ఆత్మ స్వరూపం పరినిష్పన్నం సిద్ధ మేవ సర్వదా న పునః అపూర్వం సాధయితవ్యం - తధాపి అవిద్యా వశాడస్మాభి స్తదస్మత్స్వరూప మపి విస్మృత మితి పునః తదేవ స్మర్తవ్యం కేవలం - యేన తదీయ మజ్ఞానం వినశ్య ఝడితి తదాత్మ స్వరూపేణ సంవేద్యతే - ఇదం మనసి కృత్వైవ భాష్యకారేణ అభిహితం - వాక్యార్థ విచారణా ధ్యవసాన నిర్వృత్తా హి బ్రహ్మావ గతిరితి - అతఏవ విచారణైవ . సాధనం నాన్యత్కిమ పీతి అధ్యవ సితమ్
భవతు - సా విచారణా కథం కర్తవ్యేతి ప్రశ్నః - ఉచ్యతే -ఆదావత్రేదం రహస్య మవధార్యతాం - అద్వైతే సర్వంమానసమేవ - న బహిః క్వాపి - మనస్యేవ సమస్యాజాయతే - మనసైవ తత్ప్రతీకార శ్చింత్యతే
Page 23
బ్రహ్మశ్రీ యల్లంరాజు శ్రీనివాస రావు