వ్యహార కాలేపి అవిచ్ఛిన్నా పాలయితవ్యా భవేదితి శంకాయాః పరిహారో వక్తవ్యః – ఉచ్యతే – ఇదానీ మనేన ప్రపంచేన సర్వే వయం వ్యవహరామః కధం వ్యవహరామః - కిమత్ర వ్యవహర్తృ నను అస్మదీయం జ్ఞాన మేవ - జ్ఞాన స్యైవ జ్ఞేయ భూతే నానేన ప్రపంచేన సంవ్యవహార స్సదా ప్రవర్తతే - జ్ఞానమితి యదుచ్యతే తత్సర్వదా అవిక్రియమేవ - నిరాకారత్వాత్ పారమార్ధికం వ్యావహారిక మిత్యవస్థా భేదేపి సభేద స్తయో రవస్థయో రేవ ద్వయో రవస్థయో రవిక్రియ మేవ జ్ఞాన మవతిష్ఠతే - యధా న శ్చక్షు రింద్రియ మిదానీం ఏకమేవ స న్న కదాపి వ్యభిచరతి - తధా
తత్కధమితి చే దృక్శక్తి ర్నిరాకారైవ సతీ నీల పీతాది పదార్థేషు దృశ్యమానేషు తత్తద్రూపాణి నానావిధాని సైవైకా పశ్యతి - దృశ్యమానై స్తత్తద్రూపై ర్వ్యవహరంతీ మమ దృష్టి సై సై రూప భేదై ర్నభిద్యతే - నాపి విక్రియాం కామపి భజతే - స్వతో నీ రూపత్వాత్ తదైవావ తిష్ఠతే అవికారిణీ వికార స్తద్దోచరేషు నీల పీతాది పదార్థేష్వేవ - న చక్షురింద్రియే - తేషు పదార్థేషు ఉపగతేషు అపగతేషువా దృష్టి రేకధైవ భవతి - నతేషాం దర్శన కాలే విక్రియాం భజతే - నచ అదర్శన కాలే పున రవిక్రియా సంపద్యతే
యధాయం దృష్టాంతః - తధేద మస్మదీయం జ్ఞానమపి దృగాలోకవ దేక రూప మేవ సర్వదా - పరమార్ధ దశాయాం నిర్వికారం సత్ వ్యవహార దశాయాం న హఠా త్సవికారం భవతి - వికారాస్తు తత్తన్నామ రూపాదయ ఏవ బాహ్యాః - త ఏవ ఆగచ్చంతి అపగచ్ఛంతి - ద్వయో రప్యవస్థయో రిదం జ్ఞానం ఏక రూపమేవ అవతిష్ఠతే నిరాకారత్వాత్ - వ్యవహారకాలే కళత్ర పుత్ర బంధు మిత్రాదిభి ర్వస్తు వాహనాదిభిర్వా యదావయం
Page 44
బ్రహ్మశ్రీ యల్లంరాజు శ్రీనివాస రావు