సాధన మార్గః
తన్నివృత్త్యుపాయశ్చ విద్యై న సాధనాంతరం - యస్మా దవిద్యాయాః ప్రతి పక్షభూతా విద్యైవ - యధా అంధకారస్య సౌర ప్రకాశః - విద్యాప్యత్ర సర్వ మిదం జీవజగ దీశ్వరాఖ్యం అనాత్మ జాత మాత్మైవ నాన్యదితి ఏకాత్మ భావ ప్రతిపత్తిరేవ - తా మంతరేణ న సాధన మన్య దస్తీతి అభిహితం తధాపి లౌకికాః శాస్త్రజ్ఞాశ్చ బహవో మూఢత్వా త్కర్మ ఉపాసనా భక్తి ర్యోగః మంత్ర స్తంత్ర మితి తత్త దభిమన్యమానాః తదేవ సాధన మితి తత్తన్మార్గాను సారిణః పరమార్థా త్సుదూర మపకృష్యంతే
అధవా కధమేత దఖిలం సాధనం భవిష్యతి కధంవాస మస్యాపనోదాయ ఉపకరిష్యతి - కర్మైవ తావ ద్విచార్యతాం - కస్యచి ద్వస్తునః ఉత్పత్తిర్వా అప్తిర్వా యత్ర అవశ్యకీ తత్ర కర్మ ప్రవర్తతే - న ఆత్మా ఉత్పాదయి తవ్యః నాపి ప్రాప్తవ్యః - తతః ప్రాగేవ సిద్ధత్వాత్
Page 25
బ్రహ్మశ్రీ యల్లంరాజు శ్రీనివాస రావు