Page 22
సాధక గీత
బ్రహ్మశ్రీ యల్లంరాజు శ్రీనివాసరావు
(పూర్వార్థమ్‌)
చెబుతున్నాడు సమాధానం శ్రీకృష్ణ భగవానుడు. ఎంత అభ్యాస పాటవం లేకపోయినా శ్రద్దా వంతుడైన వాడడెప్పటికీ దెబ్బతినడు. ఇహం లోనూ పరం లోనూ ఎక్కడా వాడికి వినాశనం లేదు. కాకపోయినా పాడైపోవటానికి వాడేమి దుర్మార్గం చేశాడని. ప్రయత్న మెక్కువగా చేయలేదంత మాత్రమే. అయినా శ్రద్ద అనేదొక్కటి ఉంది గదా. శ్రద్ద దైవ గుణాలలో ఒకటిగా పరిగణించబడింది. అది అన్ని సిద్దులకూ మూలం. అసలు శ్రద్ద ఉన్నవాడు ప్రయత్నం కూడ చేయక పోడు. అయితే తగినంత బలంగా చేయకపోవచ్చు. అంత మాత్రాన మోసం లేదు చేసినంత వరకూ అది మంచిపనే. మరి మంచి చేసిన వాడెన్నటికీ వంచితుడు కాడు. అధోగతి కంత కన్నా పోడు. ఇది ముమ్మాటికీ సత్యం.