#


Back

Page 12

సాధక గీత

బ్రహ్మశ్రీ యల్లంరాజు శ్రీనివాసరావు


(పూర్వార్థమ్‌)


12
సర్వభూతస్థమాత్మానం సర్వభూతాని చాత్మని ।
ఈక్షతే యోగయుక్తాత్మా సర్వత్ర సమదర్శనః ॥ 6-29 ॥

యోగయుక్తాత్మా - యోగంతో కూడిన ఆత్మ గలవాడు. ఆత్మ అంటే ఇక్కడ మనస్సని అర్థం. అలాంటి మనస్సు గలవాడికి సర్వత్రాసమం గానే పడుతుంది దృష్టి. ఎక్కడ ఏది చూచినా ఒకటిగానే కనిపిస్తుందని భావం. ఎందుకని. సకల భూతములలోనూ తన స్వరూపమే చూడగలుగుత్తాడు. అంతేగాదు. తన స్వరూపంగా సకల భూతాలను కూడా చూస్తాడు. అలా చూచేవాడికి తాను తప్ప సృష్టిలో మరేదీ లేదని బోధపడుతుంది. ఎల్లాగ ఆకాశ మన్నింటిలో - అన్నీ ఆకాశంలో ఉన్నా యంటే ఏమిటర్థం. ఆకాశమే ఉంది - మరేది లేదనే గదా. అలాగే ఆకాశంకన్నా సూక్ష్మమైన చైతన్య మన్నింటినీ వ్యాపించి అందు. లోనే సర్వమూ ఇమిడి ఉందంటే సర్వమూ అనేది లేదనీ - అది ఒక్కటే ఉందనేగదా - గ్రహించవలసింది.

అలాంటప్పుడు ప్రపంచంలో ఇక ఏది చూచినా అదే. విడిగా చూచినా అదే._కలిపి చూచినా అదే. చైతన్యమే చైతన్యం. ఏక ధారగా సాధకుడి దృష్ట కది. ఒక్కటే సాక్షాత్కరిస్తుంది. ప్రతి ఒక్క దానిలో పరచుకొని ఉన్నట్టు తన చైతన్యాన్నే లోపలా వెలపలా అనుసంధించుకుంటూ పోతాడు సాధకుడు. పదార్థాలూ -- పరిస్థితులూ - ఎప్పటికప్పుడు మారిపోతున్నా ఆ మార్పులను కనిపెట్టే ఈ దృష్టి మాత్రం చెదరకుండా అలాగే నిలిచి ఉంటుంది.

దానితో ఇక ఏ పని చేస్తున్నా మనం భయ పడ నక్కరలేదు. ఒక పని మొదలు పెట్టినప్పుడు - అది జరుగుతూ ఉన్నప్పుడు - ఫలితానికి వచ్చినప్పుడు _ ఈ మూడు దశలు కూడా సమానంగా కనిపిస్తాయి. ఏమాత్రమూ తేడా ఉండదు. తేడా ఏ మాత్రమున్నా అది వాడు జ్ఞాన దృష్టితో సమన్వయించుకో గలడు. కాబట్టి ఇది జరిగింది అది జరగలేదనే కొరతగానీ - పనులవల్ల కలిగే ఒత్తిడిగానీ - మనసు _మీద బొత్తిగా పనిచేయదు. ఒక కార్యమారంభించక ముందెంత తేలికగా ఉంటుందో మనసు - ఆ తరువాత కూడా అంత తేలికగానే ఉండగలదు. అదే ముక్తి. ముక్తి అంటే విడుదల అనే గదా అర్ధం. విడుదల మనకు దేని నుంచి ఒత్తిడి నుంచి. అన్ని ఒత్తిడులూ బలాదూరయినప్పుడిక అది ముక్తిగాక మరేమిటి.