మా గురించి
శ్రీ గురుభ్యో నమః
బ్రహ్మశ్రీ యల్లంరాజు శ్రీనివాసరావు గారు పూజ్యులు, ప్రాతః స్మరణీయులు. వీరు శ్రీమతి సీతమ్మ, శ్రీ సుందరరావు దంపతులకు 1927వ సంవత్సరం జులై 15 వ తేదీ, ప్రభవ జ్యేష్ట శుద్ధ పూర్ణిమ బుధవారము ప్రకాశం జిల్లా మార్కాపురంలో జన్మించిరి. వీరి విద్యాభ్యాసము ఓంగోలు, గుంటూరు, వాల్తేరులలో జరిగింది. 1948 లో ఆంధ్ర విశ్వ విద్యాలయము నందు M.A పట్టా స్వీకరించిరి. తర్వాత అనంతపురం నుండి శ్రీకాకుళము వరకు ఎన్నో ప్రభుత్వ కళాశాలలో తెలుగు అధ్యాపకులుగా, ప్రధానోపాధ్యాయులుగా బాధ్యతలు నిర్వహిస్తూ సాహిత్య-వేదాంతోపన్యాసకులుగా వృత్తిని కొనసాగించి, 1982 లో కడపలో పదవీ విరమణ గావించిరి.
తర్వాత కాలమున వీరు అద్వైత వేదాంతం నందు పరిశోధన చేసి ప్రస్థానత్రయం శంకర భాష్యంతోను, మానసోల్లాసము, వేదాంత పంచదశి, త్రిపురా రహస్యము, వేదాంత ప్రకరణ గ్రంధాలు, శ్రీ లలితా సహస్రనామ, శ్రీ విష్ణు సహస్రనామ స్తోత్ర గ్రంధాలు మున్నగు వాటిని అద్వైత పరంగా సమన్వయం చేస్తూ ప్రవచన రూపములుగా, గ్రంధాల రూపంగా అద్వైత విజ్ఞానాన్ని అందిస్తూ వచ్చారు. వీరికి ప్రచారం మీద ఆసక్తి లేకపోవటం వలన బహిరంగ సభలలో, టి.వి ఛానల్స్ లో వీరి ప్రవచనాలు అందుబాటు లోనికి రాలేదు. అందువలననే వీరి శిష్యులకూ, అద్వైత వేదాంతము నందు ఆసక్తి ఉన్నకొద్ది మందికి మాత్రమే వీరు సుపరిచుతులు. ఈ వెబ్ సైట్ లో అందుబాటులో ఉన్న వీరి ప్రవచనాలన్నీ కేవలం అద్వైత శాస్త్రం మీద శ్రద్ధ, ఆసక్తి ఉన్న శిష్యులకు వీరు అతిసమీపముగ కూర్చుని బోధించినవి మాత్రమే.
గురువు గారు గత 55 సంవత్సరములుగ ప్రవచనములు చేస్తున్నను ఈ రోజులలో వలె సాంకేతిక పరిజ్ఞానము అందుబాటులో లేకపోవటం వలన అన్ని ప్రవచనాలను రికార్డ్ చేయలేకపోయారు. 2001వ సంవత్సరము నుండి విజయవాడలో శిష్యులు కోరగ ప్రస్తానత్రయము నుండి సనత్సుజాతీయము వరకు గత పన్నెండు సంవత్సరములుగ భోదిస్తూ వచ్చారు.
ఈ వెబ్ సైట్ ఆలోచన చేసిన మేము గురువు గారి వద్ద ప్రస్తావించగా, వీరికి విచారణే తప్ప ప్రచారము మీద ఆసక్తి లేకపోవడం వలన వీరి అనుమతి లభించలేదు. తరువాత కాలంలో మేము Youtube నందు కొన్ని ప్రవచనాలను అప్ లోడ్ చేసితిమి. ఎంతో మంది వాటిని విని, గురువు గారిని కలవటం జరిగినది. ఆ తర్వాత గురువు గారిని మరలా అనుమతి కోరి ఇంటర్ నెట్ ద్వారా కలిగే ప్రయోజనము గురువు గారికి తెలియచేయడం వలన అంగీకారము లభించినది. గురువుగారు ఒక వరుస క్రమములో ప్రవచనాలు బోధించారు, అదే క్రమములో ఈ వెబ్ సైట్ నందు అందించాలనేదే మా ప్రయత్నం.
గురువుగారి అద్వైత - సాహిత్య రచనలు
1.జగద్గురు
మహోపదేశము 2.ప్రస్తానత్రయ పారిజాతము 3.వేదాంత పరిభాషా వివరణ 4.విర్వాణదశకము 5.దక్షిణామూర్తి ప్రదక్షిణము 6.సాధకగీత 7.చిత్రతరంగిణి 8.మహాభారత వైభవము 9.శ్రీమత్ భాగవత సామ్రాజ్యము 10.శ్రీ రామాయణ రామణీయకము 11.కాళిదాస ప్రత్యభిజ్ఞ 12.రాముడు-కృష్ణుడు 13.విచిత్రతరంగిణి 14.శ్రీ లలితాస్తోత్తర రహస్యార్దము 15.శ్రీ విష్ణు సహస్రనామ అంతరార్దము 16.సంధ్యావందనము-గాయత్రీ మంత్రార్ధము 17.శ్రీ సూక్త-పురుషసూక్త-మంత్రపుష్ప రహస్యార్ధము 18.రామగీత 19.భగవద్గీత ప్రదమ షట్కము 20.భగవద్గీత ద్వితీయ షట్కము 21.భగవద్గీత తృతీయ షట్కము 22.భజగోవింద-దక్షిణామూర్తి-లలితాష్టొత్తర రహస్యార్ధం 23.అద్వైత పంచాయతనము 24.ద్వాదశాదిత్యులు మొదటి భాగము 25.ద్వాదశాదిత్యులు ద్వితీయ భాగము 26.ద్వాదశాదిత్యులు తృతీయ భాగము.
గురువుగారి అద్వైత ప్రవచనాలు
1.ఈశావాస్యొపనిషత్ 2.కేనోపనిషత్ 3.ప్రశ్నోపనిషత్ 4.కఠోపనిషత్ 5.ముండకోపనిషత్ 6. ఐతరేయోపనిషత్ 7.తైత్తరేయోపనిషత్ 8.మాండూక్యోపనిషత్ 9.ఛాందోగ్యోపనిషత్ 10.బృహదారణ్యకోపనిషత్ 11.దశోపనిషత్ సారాంశం 12.కైవల్యోపనిషత్ 13.శ్వేతాశ్వతరోపనిషత్ 14.కేనోపనిశత్ (special) 15.బ్రహ్మసూత్రాలు 16.భగవద్గీత 17.వేదాంత పంచదశి 18.మానసోల్లాసము 19.త్రిపురా రహస్యము 20.పక్షపాత రహిత అనుభవ ప్రకాశ 21.శ్రీ లలితా సహస్రనామములు 22.శ్రీ విష్ణు సహస్రనామములు 23.పతంజలి యోగసూత్రాలు 24.అపరోక్షానుభాతి 25.గీతా-భాగవత సమన్వయవము 26.అద్వైత వేదాంత పరిభాష 27. అద్వైత పరిభాష సమన్వయవము 28.అద్వైత విజ్ఞాన సారము 29.మహావాఖ్యాలు 30.అద్వైత విజ్ఞాన సంగ్రహము 31.మహవాఖ్యాలు 32.దక్షిణామూర్తి స్తోత్రం 33.నైస్కర్మ్యాసిద్ది 34.మాండూక్యోపనిశత్ (special 2011) 35.భగవద్గీత తాత్పర్య సారము 36.అద్వైత సప్తాహము 37.అద్వైత నవాహ్నికం 38.వివేక ఛూడామణి 39.ఆత్మా రామతత్వం 40.సనత్సుజాతీయము 41.భర్తృహరి
సందేశము .
ఇట్లు
శిష్య బృందము